Күні кеше ғана "Интергаз Ортаплық Азия" АҚ ұйымдастыруымен "Кәсіби әскерилендірілген авариялық құтқару қызметі" РМК Қызылорда филиалы жылдық жоспары негізінде кең көлемде кешенді оқу-жаттығу өткізілді. Оқу-жаттығу Тұрар Рысқұлов ауданы Ақыртөбе елді мекенінде орналасқан жерасты газ сақтау орнында жүргізілді. Бұл жиынға 6 мекемеден 61 адам, 11 арнайы техника қатысты. 
         Оқу-жаттығудың мақсаты - жеке құрамның авариялық жағдайларға дайындығын бағалау, апаттың алдын-алу және апаттың жойылуын толық қамтамасыз ету болып табылады. Сонымен қатар аталған құрамның төтенше жағдайлар кезіндегі машықтарын жетілдіру. Бұл іс-шара белгіленген жылдық жоспар бойынша өткізіліп отыр. Дәл қазіргі оқу-жаттығуға инженерлік-техникалық, апатты жағдайда құтқару және кезекші-бақылаушы қызметтерімен қоса магистралды құбырларының қауіпсіздігін қамтамасыз етуші Ұлттық қауіпсіздік комитетінің ұжымы қатысты. 
         Оқу-жаттығу аяқталған соң "КӘАҚҚ" РМК Қызылорда филиалының жетекшілігімен арнайы техникалар да таныстырылды. Мұндай заманауи техникалар біздің құтқарушылардың уақытын үнемдеп, апатты дер кезінде жоюға үлкен ықпалын тигізеді. 
         "КӘАҚҚ" РМК Оңтүстік Қазақстан филиалының ұйымдастыруымен Жамбыл облысынан келген меншікті тілшілермен "КӘАҚҚ" ШЖҚ РМК бас директоры генерал-майор Сатылғанов Диханбек Жанқоразұлы ауқымды сұхбат берді. Сұхбатта бұл оқу-жаттығу жиыны құтқарушылардың мұнай-газ тасымалдау саласындағы орын алған кез-келген техногендік авариялардың алдын алып, көзін жоюға 100 пайыз дайын екенін атап өтті. Мақсат орындалды. Біз көздеген межемізге жеттік деді өз сөзінде кәсіпорынның бас директоры генерал-майор Д.Сатылғанов.