«Жақсыны ұлықтау ақылдының ісі», - демекші Жамбыл облысы өркендеуіне өлшеусіз үлес қосып, елеулі еңбек еткендер «Облысқа сіңірген еңбегі үшін» белгісімен марапатталды.

         Жамбыл облысының әкімі Мырзахметов Асқар Исабекұлы еңбегі сіңген бір қатар азаматтарды марапаттады, соның ішінде біздің әріптесіміз де бар, «Кәсіби әскерилендірілген апаттан құтқару қызметі» РМК Оңтүстік Қазақстан филиал қызметкері Айдиков Татубай Тілесұлы.

Татубай Тілесұлы 1998 жылдың 1 қыркүйегінен бастап осы мекемеде құтқарушы, бөлімше командирі қызметін атқарып келеді. Қазіргі таңда Т.Айдиков Жаңатас әскерилендірілген тау-кен құтқару бөлімінің командирі. Түрлі апаттан құтқару қызметінде өзінің тәжірибелі маман ретінде көрсетіп келеді. Тәжірибелі маман ретінде өз қызметіне аса жауапкершілікпен қарайтын маман иесі. Жүктелген тапсырмаларды жүйелі түрде орындап келеді және өзі басшылық жасап отырған жеке құрамда қатаң тәртіп бірінші орында тұр десем артық айтпағанымыз...

Абыройлы қызмет атқарып, өз лауазымдық міндетін мүлтіксіз орындаған азаматтардың бірі Татубай Тілесұлы деп білеміз. «Еңбек ерлікке жеткізер, ерлік елдікке жеткізер» - демекші, бұл төс белгі осындай азаматтардың еңбегі ескеріліп, мәртебесін арттыруға, сол арқылы өзгелерге үлгі-өнеге болуға негізделуде.

Т.Тілесұлы өзінің жұмыс тәжірибесімен жас мамандарға үйретумен келеді. Келешек ұрпақ осындай тәжірибелі, абыройы асқақ, адамгершілігі мол азаматтан үлгі алса, біздің Егемен Еліміздің өскелең ұрпағы жаман болмасы хақ.

Оңтүстік Қазақстан филиалының баспасөз хатшысы Айтымбетова Алтынай