Өз ісінің мамандары марапатталды

26.10.2018 16:25

Жуықта 2018 жылғы 19 қазан күні елімізде Құтқарушылар күні аталып өтті. Атап айтқанда, Батыс Қазақстан облысы аумағында мұнай газ саласындағы жер қойнауларын пайдаланушыларға қызмет көрсететін Қазақстан Республикасы Инвестициялар және даму министрлігі Индустриялық даму және өнеркәсіптік қауіпсіздік комитетінің «Кәсіби әскерилендірілген авариялық-құтқару қызметі» шаруашылық жүргізу құқығындағы республикалық мемлекеттік кәсіпорнының Батыс Қазақстан филиалы өздерінің кәсіби мерекелерін атап өтті. Жиынға филиал жеке құрамы және ардагерлер толықтай қатысты.

Салтанатты шара ҚР Мемлекеттік Әнұранымен басталды.

Дәстүр бойынша, кездесу соңында ардагер- құтқарушыларға сәттілік және мықты денсаулық тілеп, филиал атынан естелік сыйлықтар табыс етілді.

Өздерінің лауазымдық міндеттерін адал орындағыны және Азаматтық қорғау мемлекеттік жүйесін дамытуға қосқан үлестері үшін Құтқарушылар күніне орай, ҚР Ішкі істер министрлігінің «Төтенше жағдайлардың алдын алуда және жоюда үздік шыққаны үшін» медальімен «КӘАҚҚ» РМК Батыс Қазақстан филиал директорының жедел-алдын алу жұмыстары жөніндегі орынбасары Армантай Баянұлы Шумбалин марапатталды.

Сондай-ақ, ҚР Инвестициялар және даму министрлігінің Құрмет грамотасымен «КӘАҚҚ» РМК Батыс Қазақстан филиалының жедел-алдын алу жұмыстары жөніндегі инженері Рустам Шагуанұлы Игилманов, «КӘАҚҚ» РМК Батыс Қазақстан филиалының взвод командирі Ерлан Рахымгалиевич Бакытжанов және ҚР Инвестициялар және даму министрлігінің Алғыс хатымен «КӘАҚҚ» РМК Батыс Қазақстан филиалының шаруашылық-техникалық бөлімі жөніндегі маманы Александр Петрович Симоненко, құтқарушы Ерлан Мирамбаевич Мамбетовтер марапатталды.

«Кәсіби әскерилендірілген авариялық-құтқару қызметі» шаруашылық жүргізу құқығындағы республикалық мемлекеттік кәсіпорнының Құрмет грамотасымен «КӘАҚҚ» РМК Батыс Қазақстан филиалының құтқарушы-жедел автокөлік жүргізушісі Гибатулла Нигметович Уразов, «КӘАҚҚ» РМК Алғыс хатымен «КӘАҚҚ» РМК Батыс Қазақстан филиалының заңгері Салкен Куанышевич Жумагалиев марапатталды.

Құрметті әріптестер! Егеменді еліміздің одан әрі гүлденіп, көркейе беруі, оның халықаралық деңгейде беделінің арта беруі баршамыз үшін ортақ парыз. Осы бағытта атқарылған игі істеріңіз жемісті болып, деніңізге саулық, еңбегіңізге толағай табыстар тілейміз!

«КӘАҚҚ» РМК Батыс Қазақстан филиалының

Баспасөз қызметі